مرز افغانستان توسط جنگنده های تاجیکستانی بمباران شد

به گفته خلیل عاصر یک مقام دولتی افغانستان، بمباران استان تخار توسط نیروهای تاجیکستانی بعد از حمله نیروهای طالبان به جنوب کشور تاجیکستان و کشته شدن دو تن از نیروهای مرزی این کشور اتفاق افتاد.

به گفته مقامات افغانستانی، تاکنون مشخص نیست که جنگنده های امروز متعلق به کشور تاجیکستان هستند یا روسیه؟

طبق اطلاعات بدست آمده، در پی بمباران صورت گرفته هشت نیروی گروه تروریستی طالبان کشته و شش تن دیگر زخمی شدند.

خبرگزاری طلوع نیوز افغانستان نیز اعلام کرد : علاوه بر بمبران انجام شده، مرزبانان تاجیک به مدت چهار ساعت

بخش‌های از شهرستان درقد را با موشک‌ آماج حمله قرار دادند.

خبرگزاری اسپوتنیک روسیه نیز خبر بمباران مرز افغانستان را منتشر کرده است.

طالبان درگیری و مورد حمله قرارگرفتن نیروهای خود توسط جنگنده های تاجیکستانی را تایید کرده است.

این بمباران هنز از سوی مقامات روسی یا تاجیکستانی تایید نشده است.

مقامات مرزبانی تاجیکستان می‌گویند، که طبق اطلاعات واصله حمله روز 26-ام آگوست ( چهارم شهریور) به جنگلبانان تاجیک در حدود ناحیه فرخار واقع در مرز با ولایت تخار افغانستان، از سوی طالبان صورت گرفته است. در این حمله دو نفر کشته و یک تن زخمی شدند.

تاجیکستان با افغانستان 1400 کیلومتر مرز دارد و مقامات تاجیک می‌گویند، که این مرز از سوی گروههای قاچاقچی و و تروریستی با تهدید مواجه است.

ریاست مرزبانی تاجیکستان می‌گوید، که در حال حاضر وضعیت در مرز با افغانستان آرام است و برای نظارت بیشتر، نیروهای جدیدی به منطقه مرزی اعزام شده است.